Rosario-Cicilia, Violeta | Hardback | 09-02-2024 | 9789085603320

“Buki di Mami”: Binti storia ku a nase komo material pa lesa pa mucha skucha den klas.
Pero nan ta pa uso general manera pa un mayor lesa pa mucha na kas. Ta storianan ku ta kontené e poder di hiba mucha i adulto den un mundu di magia ku ta habri porta pa mucha i adulto drenta un mundu mágiko di fantasia; ku animal i mata ku ta papia, ku kabouter, i tambe un tata bíbliko por ehèmpel. Violeta (Yeta) e outor, ta un artista i músiko ku talento di skirbi literatura pa mucha i di dosente di músika i kanto.
E storianan ta kontené magia ku ta drenta fantasia di mucha i adulto pa bai dal un buèlta magnífiko den nos naturalesa lokal, algu rekomendabel. Purba e pida akí saká di e storia “Kombersashon di Kayena i Kibrahacha” (Hubert Vis).

Sita:
“E kayena ta hala atenshon di e kibrahacha. “O, m’a papia ku bo pero bo ta manera distraí.” “Ahan, mi tabata pensa hopi leu. Te riba áwaseru. El a bai hopi largu.Apénas bo ta mira nubianan skur.” “Si”, e Kayena ta respondé.”